Tónlistarskólinn á Tröllaskaga 2024 -2025.

Starfsáætlun

Leiðarljós

Hlutverk

Helstu verkefni og innra starf

• Rannsóknir hafa leitt í ljós að tónlistarnám hefur bætandi áhrif á annað nám sérstaklega í raungreinum. Tónlistarnám eykur einbeitingu og stuðlar að betri vinnubrögðum hjá nemendum. Auk þess hefur tónlist og tónlistaiðkun bætandi áhrif á sálarlífið og stuðlar að gleði og lífsfyllingu.
• Tónlist hefur róandi áhrif á alla, samleikur og kórsöngur stuðlar að meiri félagsþroska hjá börnum. Tónskólinn er ekki bara fyrir börn heldur líka fullorðna og allir sem áhuga hafa á tónlist geta fundið þar eitthvað við sitt hæfi.
• Skólinn er í stöðugri þróun og ætíð er leitast við að efla tónlistarkennslu í samræmi við nútímakröfur. Kennarar hafa verið að kynna sér nýjungar í kennsluháttum undir stjórn skólastjóra.
• Skólastjóri mun taka starfsþróunarsamtöl við starfsfólk skólans í byrjun skólaárs.
• Unnið verður að aðlögun Uppbyggingarstefnunnar að tónlistarskólanum.
• Kapp verður lagt á að viðhalda þeim góða starfsanda sem í Tónlistarskólanum ríkir.
• Haldið verður formlega utan um símenntun kennara með skráningareyðublöðum.
• Stærri starfsmannahópur og þ.a.l. meiri svigrúm til að bregðast við áföllum eins og veikindum og fækkun eða fjölgun nemenda á ákveðnum hljóðfærum.
• Með stærri starfsmannahópi er meiri þekking og breidd innan hans og því mögulegt fyrir kennara að læra af samstarfsfélögum sínum.
• Kennarar sem hafa sérhæft sig á ákveðin hljóðfæri geta sinnt þeim nemendum betur og skólarnir ná fram betri kennsluaðferðum og árangri.
• Nýir möguleikar til hljóðfæranáms, með enn meiri nálgun við Menntaskólann á Tröllaskaga og þær námsbrautir sem eru þar í boði fyrir unga tónlistarmenn.
• Mögulegt er að nemendur sem staddir eru á svipuðum stað í tónlistarnámi hittist í auknu mæli og spili saman á sérstökum æfingum t.d. fyrir tónleika. Jafnframt er tækifæri til að skoða hópkennslu í auknu mæli bæði innan skólanna og milli þeirra.
• Að skólinn sé með, á hverju ári, foreldra og starfsmannakannanir.
• Fyrsti kennsludagur er 2. september.
• Foreldravika er 7. -11. október þar sem foreldrar og forráðamenn geta komið í skólann með nemendum og einnig verður hægt að panta viðtaltíma með stjórnendum skólans.
• Leitast verður við að efla samstarfið við grunnskóla sveitarfélaganna með aðkomu að viðburðum skólanna og einnig er markmið að setja upp söngskemmtun eða söngleik.
• Tónlistarskólinn sér um tónmenntarkennslu fyrir grunnskólana í Grunnskóla Fjallabyggðar á Siglufirði og er með söngsal í leikskólum á Tröllaskaga.
• Haustfundur kennara var haldinn í ágúst á Hótel KEA.
• STS þing skólastjóra tónlistarskóla í október í Vestmannaeyjum.
• Samstarf við leikskóla heldur áfram að þróast með föstum heimsóknum í hverri viku.
• Frístund í Fjallabyggð hljómsveitir og samspil frá kl. 13.35 -14.25.
• Hausttónleikar verða vikuna 15. – 17. Október.
• Þemavika skólans verður í vikuna 26. -29. nóvember.
• Í kringum haust-, jóla- og vortónleika verða farnar heimsóknir á Dalbæ, Hornbrekku, Skálarhlíð og Sjúkrahúsið á Siglufirði.
• Jólatónleikar 4. - 12.  desember.
• Uppskerutónleikar Tónlistarskólans eru 14. mars.
• Tekið verður þátt í Nótunni í Hofi og svo vonandi í Eldborg.
• Unnið verður að því að aðlaga Uppbyggingarstefnuna að skólastarfi TÁT.
• Með tilkomu rafrænnar dagbókar og með meiri samskiptum við foreldra og forráðamenn verður lagt mat á árangur nemenda, reglubundnar en áður hefur verið.
• Meiri áhersla verður lögð á samspil, hljómsveitarstarf og upptökur innan skólans og hver kennari mun koma að samspili eða hljómsveitastarfi.
• Vortónleikar verða 7. 15. maí.
• Upptökuvika 19.- 23. maí.
• Skólaslit verða föstudaginn 28. maí 2025 í Tjarnarborg.

Upplýsingaflæði

• Samskipti við foreldra fara í gegnum samskiptakerfið Visku og dagbók þess, einnig eru margir foreldrar sem nota netpóst, msn, sms og síma.
• Tónlistarskólinn er með heimasíðu tat.is og Facebook síðu til þess að efla upplýsingaflæði til samfélagsins.
• Nýtt innheimtukerfi verður tekið í notkun í september 2024 þar sem skólagjöld, hljóðfæraleiga og sala á vinnu/kennslubókum verður innheimt.

 Framtíðarsýn til 2025

• Skoða þarf þau hljóðfæri sem hafa verið í útleigu með tilliti til endurnýjunar, nokkuð mörg hljóðfæri þarfnast viðhalds.

Lykiltölur